Posts Tagged ‘Суво грозје’


Понекогаш не знам дали на светов постои понеогрнизиран човек од мене, посебно пред важен настан. Ние, екипата што учествуваше на Вегефест во октомври минатата година, пред извесно време бевме дел и од хуманитарен настан, од кој комплетното мени можете да го најдете овде.

Банана мафини

До неодамна, никогаш во животот немав направено мафини, нити конвенционални (во претходниот живот), нити во посна варијанта. Пресвртот се случи откако најдов интересни калапи за мафини, а тоа се поклопи и со повторното откирвање на рецепт што сум го имал зачувано во мојот, веќе неколку пати спомнат, хаотичен фолдер. Буквално ми излегоа пред очи истовремено со новите калапи. (more…)

Read Full Post »


Веќе спомнав дека оваа година место торта, си направив роденденски колачи, чисто за да разбијам клише. Луѓето што ме познаваат знаат дека сум цепидлака (се извинувам за употребата на немакедонски збор), па не беа многу изненадени кога им кажав дека фатив да ги правам овие колачи.

Непечени лава колачи

Всушност си ги сметам за успех, затоа што не знаев дали ќе успеам да го постигнам ефектот од обичните лава колачи, кои, на крајот на краиштата може да се купат од маркет како готова смеса која треба само кратко да се потпече. Ама тоа не е интересно. (more…)

Read Full Post »


Зимска салатаБаш ми е жал што полека изминува сезоната на тиквите. Одлични се и за во солени и за во слатки комбинации. Што би се рекло, како да се најадете, а да не внесете многу калории? Одговорот е – тиква.

Како се создаде оваа салата? Како и повеќето рецепти кои ги применувам. Дома имав вишок тиква со која не знаев што да правам. Се сетив и дека долго време си немав сварено просо. Една мала консултација со Google и најдов еден куп комбинации со просо и тиква, но оваа ми се чинеше најинтересна, пред сѐ затоа што е мешавина на вкусови. (more…)

Read Full Post »


Мачкала за палачинкиМуабетов го почнувам со носталгично сеќавање на детството. Најголем дел од времето го поминував кај баба ми, а таа ми готвеше што ќе посакав. Кога бев примерен (а нивото на толеранција кај баба беше многу високо) ми пржеше палачинки. Ма баба беше експерт за палачинки. Кога ќе сматеше некоја доза, дома беше празник. Прсти да излижеш. Тие денови живеев од палачинки со мармалад и плус една со Еурокрем. Можеби затоа до ден денес ми останаа најомилено јадење од детството! (more…)

Read Full Post »


Овесни бомбици со суво овошје и ореви

Кога доаѓа викенд најчесто сакам „да се покажам“ пред моиве домашни и се обидувам со потготовка на некој вкусен појадок. Скирената намера зад ова ми е на останатите тројца мускетари околу мене на фин начин да им подбутнам некој поздрав оброк. Само кога ќе замислам дека на децава во градинка секој ден им даваат за појадок лепче со еурокрем/маргарин/сирење, за ручек измалтретирана зелка/грашок/грав сето тоа зачинето со мелено месо, а за ужина бисквити/крем банани со вештачки сок (!!!!!), веднаш засукувам ракави за на брзина нешто да смачкам. (more…)

Read Full Post »


Енергетски плочкиОткако се решив да си го сменам начинот на исхрана, сфатив една битна работа – читање етикети на производи. Макар што во западно-европските земји дозволено е произведувачот да не наведе некои од состојките на производот што го продава, а кај нас многу често не ни стои информација за составот, сепак од етикетите може многу да се дознае за квалитетот на она што се купува. Еден поглед и одеднаш ќе се најдете во река поими кои почнуваат со Е, а зад кои многу често се кријат опасни хемикалии, вештачки засладувачи, па дури и преработена свинска маст. Уште полоша варијанта е кога еден производ се пласира како здрава храна, а е збогатен со вештачки витамини. (more…)

Read Full Post »

%d bloggers like this: