Posts Tagged ‘Спанаќ’


Секојдневно да се смислуваат оброци за цело семејство може да биде доста исцрпувачки. Притоа треба да се внимава состојките во оброците премногу да не се повторуваат, вкусовите да бидат различни и секој да биде најаден.

Печен фалафел со спанаќ

Во ваква ситуација, посебно кога немате нешто многу инспирација, мора да ви влета некое јадење како џокер, за да спасите ситуација. Фалафелите се одлична варијација, посебно во улога на храна за носење, нешто како солени колачи. Ги правите, ги ставате на маса и се послужува секој член на семејството на поминување, кој кога сака. (more…)

Read Full Post »


Печурки полнети со песто од спанаќПред нешто повеќе од една година случајно го открив т.н. raw food движење, односно исхрана со термички необработена, сурова храна. Бев фасциниран. Движењето е некоја спротивност на актуелниот американски (и светски) фаст фуд тренд кој се повеќе одзема човечки животи. Во мојата кујна почнав се повеќе да вметнувам сурова храна и процентот на свежи продукти ми заземаше се поголем процент. Сепак, никогаш не сум се откажал од делот со готвена храна, а и не мислам да го сторам тоа во блиска иднина. (more…)

Read Full Post »


Кускус со спанаќ и тикваПовторно рецепт со мојата љубов, спанаќот. И тиквата. Добро, и по некоја тестенина. Ах, волкот се менува рувото не си го менува! Во љубов со тестенините сум цели 34 години, а денес луѓе толку ни во брак не издржуваат. Кажете како да ги намалам во исхраната? Веројатно никако.

Туку да не кукам за моите зависности, да кажам од каде дојде идејата за овој ручек склопен за 15-ина минути. Најголем проблем ми е кога по работното време имам и други обврски, така што ручекот се одложува и се одложува. Во ранецот секогаш имам по некое резервно јаболко да дојде на помош. Но ручекот си е ручек, со јаболко не се спасува. (more…)

Read Full Post »


Сигурно ви е добро позната онаа ситуација кога од толку што ви е здодевно, вртите по ТВ каналите и загледувате некој толку глупав филм што подоцна ви е срам и на самите себеси да си признаете дека сте го изгледале. Такво нешто ми се случи викендов кога налетав на „Лажго, лажго“ со Џим Кери. Филмот можеби беше глупав, ама откако го изгледав ми светна идеја во главата: лажењето не е секогаш негативна работа. Понекогаш ни треба и по некоја „бела лага“.

„Варен“ спанаќ

Имајќи предвид дека ова не е блог за коментирање филмови, да го свртиме муабетот кон здравата исхрана. Понекогаш колку и да сакате здраво да се храните, посакувате да има некој подекадентен вкус, односно да си се излажете себеси. Поточно сакате да има, на пример, вкус на путер, а јадењето да не содржи путер. Или сакате подобарен зелен зеленчук, ама сепак да не биде термички обработен. Да јадете тестенини, ама подоцна да не ви проработи совеста дека сте направиле лош избор за оброк. И на крај да си зготвите нешто вкусно, ама да не изгубите повеќе од 15 минути во кујна. (more…)

Read Full Post »


Есента нуди многу опции за главни јадења. Отидете на пазар и ќе се изнагледате убави бои, шаренило од сите страни. Никако нема да можете да се одлучите што од тоа да одберете, а патем да не се претоварите и да не можете да си дојдете до дома (кој ме видел како пешачам со две полни торби, ќе ја добие вистинската слика).

Младата боранија со својата жолто-зеленикава боја дава убав придонес во целата глетка. Се сеќавам, во детството воопшто не сакав да ја јадам. Најчесто ми беше сервирана во познатите македонски чорби со свинско месо кои никако не можев да ги прифатам. Од денешен аспект јасно ми е зошто многу често се прескокнува боранијата како составен дел од јадењето – затоа што најчесто при готвењето се вари до распаѓање и нема никаков вкус.

(more…)

Read Full Post »


Народе, доаѓа време за спанаќ! Има ли поефективен начин да им се приближи на децата некој продукт освен преку нивните омилени цртани филмови. Попај Морнарот има голема заслуга за сфаќањето дека спанаќот е растение што ни дава сила. И навистина е така. Богат со витамини и минерали, нуди и моќна антиоксидативна заштита, велат експертите. Веднаш ми се наметнува мислењето, што ќе беше ако по денешните цртани филмови и реклами место отровни чипсови, гуми за џвакање и штетни безалкохолни пијалоци се промовираа брокула, спанаќ или домати? Можеби звучи смешно, ама веројатно полесно ќе можевме децата да ги убедиме дека гумените бомбони се отпад, а брокулата ги прави силни како Спајдермен (лош пример, ама на тој лик се сетив во моментов). (more…)

Read Full Post »

%d bloggers like this: