Posts Tagged ‘Мед’


Во последно време опсесија ми се ѓевреците. Конкретно правам два вида, но овде го претставувам прво поедноставниот вид, затоа што оние другите се уште не ми се доволно усовршени. Веднаш штом добијам убава варијанта што ќе може и да се фотографира, ќе го откријам и тој рецепт.

Наједноставни варени ѓевречиња

Познавам многу љубители на варени ѓевреци, посебно на легендарните, охридските. Пребарував да најдам некој едноставен рецеп и се изненадив кога забележав дека најчесто се прават со масло и свинска маст, а некои варијанти вклучуваат и по некое јајце. Се прашувам, зошто во обичен варен ѓеврек да биде потребно масло, па и јајце! (more…)

Advertisements

Read Full Post »


Откако започнав да ја менувам исхраната, не знам дали постои некое друго јадење со кое повеќе сум екпериментирал од палачинките. Милиони обиди, најчесто пропратени со катастрофа во кујна! Милиони испробани рецепти за палачинки, некогаш на прва успешни, но никако и од второ или трето правење.

Палачинки по мој вкус

По секој стоти обид следува и констатација дека веќе не треба да се трудам околу палачинките, затоа што не можам да ги изведам како што треба. (more…)

Read Full Post »


Мачкала за палачинкиМуабетов го почнувам со носталгично сеќавање на детството. Најголем дел од времето го поминував кај баба ми, а таа ми готвеше што ќе посакав. Кога бев примерен (а нивото на толеранција кај баба беше многу високо) ми пржеше палачинки. Ма баба беше експерт за палачинки. Кога ќе сматеше некоја доза, дома беше празник. Прсти да излижеш. Тие денови живеев од палачинки со мармалад и плус една со Еурокрем. Можеби затоа до ден денес ми останаа најомилено јадење од детството! (more…)

Read Full Post »


Снежни чоко-бомбици од костениКостени, костени, костени… Цело Скопје мириса на печени костени. На пазар ги има на секоја втора тезга. Како човек да не купи? Пред некој ден моите домашни сакав да ги изненадам со половина килограм варени костени, затоа што знам дека ги сакаат. Сите се израдуваа кога дознаа дека ќе ги варам, подоцна никој не ги ни проба. Не можев ни јас да ги јадам затоа што таа недела применував 7-дневно прочистување со сурова храна, за што подетално се пишуваше на сајтот „Сурово и вкусно“. Знаев дека бргу ќе отидат во заборав и мораше да бидат спасени од фаталната судбина. (more…)

Read Full Post »


Маринирани свежи брокулиЈас и брокулата имаме чудна врска. Некогаш се сакаме, некогаш не сакаме да се видиме. Јасно ми е дека брокулата е суперхрана, но некогаш имам проблем да ја конзумирам во сурова варијанта. Варена на пареа би ја јадел во секој момент, ама за сурова… не е баш така. Мислам, ако почнам да ја грицкам, сфаќам дека и необработена има убав вкус, но не можам да се натерам да почнам со нејзино вметнување во некоја салата или оброк. А сакам свежата брокула да ми зафаќа некое делче од чинијата! (more…)

Read Full Post »


Прва дилема кога го сменив начинот на исхрана ми беа благите работи. Колку често и да читам дека рафинираниот шеќер е штетен, рафинираниот шеќер е исто што и дрога, рафинираниот шеќер е ваков или таков, јас сум зависник. Кревам рака и признавам. Но кога почна мојава приказна со здравата исхрана гледав слатките искушенија да ги избегнувам, без да им најдам соодветна алтернатива. Едноставно, немав благо за „кризни“ моменти, затоа што не знаев како да го направам, а притоа да не се чувствуам виновен додека го јадам, да не ми проработи грижата на совест. Без благо бев како наркоман без наркотици. На крај ваквата состојба на неколку пати кулминира со прејадување од се чоколадно што го најдов пред себе и со страшна тежина во желудникот уште по една недела подоцна. (more…)

Read Full Post »


„Денес за ужина имаме пудинг“, така на моето семејство му го претставив мојот најнов рецепт и целосно го зачудив. Не сакам да применувам забрани за тоа што смее да се јаде, а што не смее, затоа што забранетото потоа е многу попосакувано, но пудингот ми е на црната листа. Кога ќе слушнам дека некој сака на дете да му даде да јаде пудинг (зборувам за оној купечкиот), мене ми доаѓа како да сака во организмот да му вметне стопена пластика. Горе-долу разлика нема! Оттука сфаќате зошто изразот на зачуденост стоеше некоја минута на лицата на моите домашни. (more…)

Read Full Post »

Older Posts »

%d bloggers like this: