Posts Tagged ‘Лимон’


Во последно време многу често среќавам луѓе алергични на глутен, како алеријата од глутен да стана некој вид тренд на денешницата. За да не излезе дека ќе мора да се откажете од многу задоволства ако си ја имате оваа мака, еве палачинки за вас.

Безглутенски палачинки од пченкарно брашно

Ова се од оние кај нас познати како американски палачинки, односно повеќе наликуваат на мали лепчиња, отколку на нашите класични палачинки. (more…)

Read Full Post »


Паштета од грашокЈа знаете приказната за штурецот и мравката? Преку лето штурецот си свирел, а мравката се потготвувала за зима. Кога дошла зимата, штурецот немал ништо за јадење,  а мравката кеиф си терала. Муабетот ми е следниов – кој си има зимница и сред зима ќе ги почувствува вкусовите на летото. Овој рецепт е наменет за сите оние кои си имаат замрзнато грашок, а сакаат да го потготват на поздрав начин кој нема да вклучува крчкање и оштетување на овој зеленчук/мешунка. (more…)

Read Full Post »


Прелив од пиперкиЕве една салата што е многу едноставна, а е многу вкусна. Ја смислив… кого лажам, идејата беше на мојата сопруга, а салатата се создаде сосема случајно. Еден од октомвриските празници, не знам точно кој беше, се трефна да се слави сред недела, така што не можевме да мрднеме никаде подалеку од Скопје. А времето прекрасно, како цел слободен ден да се преседи дома? Уште додека појадувавме (а со две мали деца тоа е долга фаза), ни се јавија пријатели што нѐ повикаа да им се придружиме на пикник во природа, покрај манастирот Св. Никита во Скопска Црна Гора. Ни кажаа дека има прекрасно зеленило, но планираат јадење да си носиме од дома. Одвај чекавме да прошетаме, но каде да се оди без потготвен ручек? (more…)

Read Full Post »


Хумусот ми е омилено мачкало или додаток на оброк секогаш кога немам некоја идеја што да се јаде. Проблем е само закиснувањето наут, што претодно треба да се испланира, за да не мора при правењето хумус да го чекате да се свари по час и половина, дури и повеќе, ако е стар. Варијациите на тема хумус ми се уште поинтересни и секогаш сум расположен да ги испробам.  (more…)

Read Full Post »


Познавам куп луѓе околу мене што никогаш не би пробале сурова, свежа брокула. Каква штета! Брокулата е суперхрана поради своите нутритивни способности. „Полна“ е со витамин Ц, К и фолна киселина. Игра главна улога во алкализација на организмот. Во превод, со брокулата ни е штитник против болестите, посебно зимските.

 Сѐ убаво, ама ајде тоа објаснете им го на луѓе што не сакаат да погледнат зеленчук, а посебно на децата. Поттикнат од ваквата ситуација за првпат пред една година решив да барам начин овој супермен меѓу зеленчукот да го понудам на попристапен начин, односно а пробам боркулата да ја сварам на пареа, како што е опишано во книгата „Најздравите продукти на светот“ од Џорџ Мателјан. (more…)

Read Full Post »


Народе, доаѓа време за спанаќ! Има ли поефективен начин да им се приближи на децата некој продукт освен преку нивните омилени цртани филмови. Попај Морнарот има голема заслуга за сфаќањето дека спанаќот е растение што ни дава сила. И навистина е така. Богат со витамини и минерали, нуди и моќна антиоксидативна заштита, велат експертите. Веднаш ми се наметнува мислењето, што ќе беше ако по денешните цртани филмови и реклами место отровни чипсови, гуми за џвакање и штетни безалкохолни пијалоци се промовираа брокула, спанаќ или домати? Можеби звучи смешно, ама веројатно полесно ќе можевме децата да ги убедиме дека гумените бомбони се отпад, а брокулата ги прави силни како Спајдермен (лош пример, ама на тој лик се сетив во моментов). (more…)

Read Full Post »

%d bloggers like this: