ТАВА ОД ПЕТ ЖИТАРКИ И ЗЕЛЕНЧУК


Веќе спомнав дека некое време копам по книгите на д-р Џон МекДугал и веќе почнав да готвам некои од неговите рецепти. Често, голем дел од рецептите ги прилагодувам според вкусот на моето семејство, макар што вкусни се и онака како што се дадени во книгите.

Tava so oriz02.jpg

Во книгата „МекДугал програма за максимално губење тежина“ има цела програма и рецепти кои треба да ви осигураат сигурно и здраво слабеење. Жена ми за 2-3 недели  придржување до принципите на програмата (не премногу строго, да бидам искрен) симна 5 кг, а претпоставувам дека и повеќе може да се ослабне, ако сте доволно дисциплинирани.Продолжи со читање “ТАВА ОД ПЕТ ЖИТАРКИ И ЗЕЛЕНЧУК”

СКРОБНА МИНИ ДИЕТА


Веќе неколку месеци задолжителна литература ми се книгите на еден од пионерите во современата растителна исхрана, Џон МекДугал. Општи лекар по професија, на 18 години доживува срцев удар под влијание на стандардната американска исхрана. Кога се вработува во медицински установи сфаќа дека многу болести со лекарства не може да ги излечи и во 70-те години почнува да експериментира со растителната исхрана. Во 1983 година ја пишува првата книга „Планот на МекДугал“ и прави револуција со тоа што укажува дека човекот, ако се преориентира на растителна скробна исхрана дополнета со овошје и зеленчук, ќе надмине многу од современите болести.

1972264_365343726938949_1493291509_n

Со неговото дело почнав да се запознавам од крајот, поточно од за сега последната книга, „Скробно решение“. Напишана со наједонставен јазик, но сепак научно издржана, објаснува зошто растителната скробна исхрана е она што му е потребно на денешниот човек.Продолжи со читање “СКРОБНА МИНИ ДИЕТА”

ЛЕШНИКОВ ЧОКОЛАДЕН КРЕМ


Две работи на кои најмногу имам експериментирано откако преминав на некој поздрав начин на исхрана (откако преминав кон веганство) се оние кои најмногу ми недостасуваа – палачинки и чоколаден намаз (т.н. Нутела, но да не правиме рекалми).

Lesnikov cokoladen namaz02

Видете, на сите од време на време во животот ни треба вкусот на чоколадо. Посебно привлечен е оној момент од детството кога една лажичка чоколаен крем мачкате на леб или палачинки, и уште две длабоко брцнати во теглата завршуваат директно во вашата уста.Продолжи со читање “ЛЕШНИКОВ ЧОКОЛАДЕН КРЕМ”

СИРЕЊЕ ОД ИНДИСКИ ОРЕВИ СО СУШЕНИ ДОМАТИ


Пред некое лето за првпат се обидов да сушам на сонце зеленчук и овошје и обидот помина со среден успех. Поточно доматите фатив да ги сушам на крајот на август кога денот се намали, а ни сонцето не грееше толку силно, така што обидот беше неуспешен, односно најголем дел од доматите мувлосаа.

dav

Минатото лето се навратив на идејата додека во јули грееше како под вршник и овојпат исушив тони зеленчук за вегета и доста домати. Доматите, со исклучок на некој килограм што ми изгореа од директна изложеност на сонце и една тура што ми ја фати дожд, па морав да ја сушам со фен, останатите одлично се исушија. На толку мака, сушените домати ги сомлев и ги складирав за да ги употребувам во најисклучителни прилики. И тогаш пред мене се појави рецептот за ова сирење.Продолжи со читање “СИРЕЊЕ ОД ИНДИСКИ ОРЕВИ СО СУШЕНИ ДОМАТИ”

ЗИМСКИ СУПИ И ЧОРБИ


Да, оваа зима немавме вистинска зима, некако како од октомври да живееме во доцна есен и ништо повеќе (со исклучок на неколку недели). Сепак, навечер знае да биде свежо или студено, односно да се создаде идеална атмосфера за вкусна топла чорба.

All-focus

Зеленчуковите чорби или супи ми се опсесија. Одеднаш во организмот се внесува куп зеленчук, односно ми доаѓаат како некое бомбастично витаминско пакување. И што е најбитно, со супите и чорбите најлесно може да им се подметне зеленчук на оние кои многу не го сакаат во свежа форма, пред се на деца.Продолжи со читање “ЗИМСКИ СУПИ И ЧОРБИ”

ЧОКОЛАДНА ТОРТА СО СЛАДОК КОМПИР


Знам, ме нема долго време. Многумина ми забележаа што сосема го запоставив блогот, посебно оние кои сакаат да испробаат поздрав начин на исхрана. Можеби причина беа обврските, а можеби и немав некоја голема инспирација за пишување, но сега еве ме пак! И тоа се враќам со чоколадна торта.

All-focus

Во овој период додека ме немаше со нови рецепти, всушност многу читав за готвење и гледав куп емисии и шоуа и дознав многу работи што воопшто не ми беа разјаснети, пред се во областа на слатките. Сфатив едно нешто, за да знам да изведам некој рецепт во поздрава варијанта, прво треба да видам или да научам како се прави конвенционално.Продолжи со читање “ЧОКОЛАДНА ТОРТА СО СЛАДОК КОМПИР”

ФЕТА ОД БАДЕМИ


Овој пост го пишувам поттикнат од две причини.

Кога почнував да ја менувам исхраната, најтешко ми беше откажувањето од сирењето. Солено-кисело и мрсно, просто човек да стане зависен за цел живот! Но се случи и тоа, така што денес воопшто не копнеам по сирење, дури ако се случи некаде да пробам трошка, колку да се присетам на вкусот, сфаќам дека е премногу мрсно и тешко за мој вкус.

Фета од бадеми

Сепак сакав да се навратам на спомените и да направам сирење слично на она што сум го јадел во детските години, а да најдам и некој сличен вкус за некако да си покажам дека голем дел од конвенционалните јадења можат да се доловат и со поздрави состојки.Продолжи со читање “ФЕТА ОД БАДЕМИ”

МЕШАН ЛЕБ СО КИСЕЛ КВАСЕЦ


Кога станува збор за исхраната, тема на која има да изначитате рекорден број за и против аргументи е лебот. Едно време благословуван, денес пред се напаѓан и омаловажуван. Лебот дебелее, лебот не е здрав, јадењето леб е грев, лебот е полн со глутен, кој му штети на организмот, затоа треба да се исфрли… итн итн.

Мешан леб со кисел квасец

Мислам дека во целата оваа ситуација пак мешаме баби и жаби. Поточно, белиот леб на својот брат, вистинскиот леб му направи многу лоша услуга и му го сруши сето реноме што го имал со години.Продолжи со читање “МЕШАН ЛЕБ СО КИСЕЛ КВАСЕЦ”

ФРИТАТА ОД НАУТ И БЕЛ ГРАВ


Кој вели дека фритата задолжително мора да се прави со јајца. Дури не мора ни да се пржи! Да, знам, во тој случај овој италијански специјалитет би ја изгубил смислата, но зошто да не се проба нешто што ќе наликува на фритата.

Фритата од наут и бел грав

Фритата е нешто како кај нас популарниот омлет со јајца, но со додатоци како зеленчук или некои сирења. Ако сте се одлучиле за исправна исхрана, сигурно знаете дека јајцата, сирењата и пржењето не би требало да ви бидат дел од секојдневното мени, така што не е лошо да им се најде соодветна замена.Продолжи со читање “ФРИТАТА ОД НАУТ И БЕЛ ГРАВ”

ПРОИЗВОДИ СПОРЕД „АЈДЕ ДА ЈАДЕМЕ„ ВО „ЈОНТАШИ“


Пред нешто повеќе од два месеци започна соработката на блогот „Ајде да јадеме“ со продавницата за макробиотика, „Јонташи“. Соработката излезе сосема случајно, прво на Вегефест, а потоа и директно преку продажба на продукти според рецептите на „Ајде да јадеме“.

Мило ми е што оние кои до сега ги пробаа вкусовите што ги предлага овој блог им се допаднаа и започнаа редовно да ги порачуваат производите со логото на „Ајде да јадеме“.

Мени „Ајде да јадеме“
Мени „Ајде да јадеме“

Ова мени ни тргна како промотивен експеримент, така што постојано ќе биде надградувано според она што се бара од купувачите во „Јонташи“.

СЕКОЈ ПОНЕДЕЛНИК во продавницата ќе има свежи продукти за слободна продажба, а останатите денови постојано може да се вршат индивидуални нарачки во самата продавница (ул. Исаија Мажовски 11а Хром, Скопје) или во инбокс на фејсбук варијатната на блогот.

Истовремено, по консултација може да се изработат торти, слатки, салати, намази, сирења и други ПОСНИ продукти надвор од менито преку консултација со заинтересираните.

За сега соработката со прекрасните луѓе од „Јонташи“ оди одлично, имаме беспрекорно разбирање, а истото важи и со купувачите. Во иднина се надевам дека ќе продолжиме со истото расположение и ентузијазам како и до сега.

%d bloggers like this: