Archive for the ‘САЛАТИ’ Category


Слободно можам да кажам дека вистинскиот одмор за мене во лето не е официјалниот термин за летување, туку моментот кога децата некоја недела се кај баба и дедо. Е, тоа е вистински одмор! Одеднаш 90% од обрвските ги снемува, а почнувам и помалку да се дружам со кујната.

Освежителна салата со грав и ориз

Освежителна салата со грав и ориз

Во рамки на идејата „што помалку време во кујна, што поретко вклучен шпорет“, жена ми ми предложи додека сме сами, за ручек да потготвуваме некои салатки кои обично ги немаме на менито кога децата се дома. На тој начин би имале повеќе време за одмор и за прошетки надвор на убавото време. (more…)

Advertisements

Read Full Post »


Ова лето се почувствував како да ми беше забрането да седам дома. Навистина, кога почнуваше летото си посакав многу шетање, но знам дека овие денови кога и календарски привршува, си викам доста беше, можеби малку и претерав… Кого залажувам – од шетање и патување никогаш не е доволно, само ми треба малку одмор.

Салата од нудли од тиквички

Со оглед на тоа што летото го поминав на различни дестинации, тоа значеше и многу прилагодувања во однос на исхраната, барање кујна каде и да отидам, обиди од ресторанската храна да се одбере нешто приближно до она што јас го јадам, убедување на луѓето кај што престојувам да не се припотресуваат со моите оброци, затоа што и онака нема да ги погодат како што ги јадам итн.

(more…)

Read Full Post »


Салата со фиде од зеленчукМи помина еден подолг период во кој се посветив на мојата втора професија, преведувањето. Ова беше за да се оправдам зошто ме снемува од време на време. Завршетокот на овој период сакав да го прославам со пост за мојата омилена салата во последно време. Прво, морам да ви раскажам како се создаде салатата.

Моја главна инспирација повторно беше составувањето брз оброк за сите оние кои не сакаат да поминуваат многу време во кујна. (more…)

Read Full Post »


Салата од леќа и оризКога сакате да применувате растителна исхрана веднаш околу вас се крева прашина како ќе внесувате протеини. Веројатно уште не е јасно дека месото не е единствениот извор на протеини. Плус, на нашиот организам не му требаат готови протеини, какви што се во месото, туку потребни му се амино киселини за да создаде протеини. Расправата да им ја оставиме на стручњаците, а ние доволно е да сфатиме дека извори на протеини можат да бидат и растенијата, како на пример мешунките. (more…)

Read Full Post »


Зимска салатаБаш ми е жал што полека изминува сезоната на тиквите. Одлични се и за во солени и за во слатки комбинации. Што би се рекло, како да се најадете, а да не внесете многу калории? Одговорот е – тиква.

Како се создаде оваа салата? Како и повеќето рецепти кои ги применувам. Дома имав вишок тиква со која не знаев што да правам. Се сетив и дека долго време си немав сварено просо. Една мала консултација со Google и најдов еден куп комбинации со просо и тиква, но оваа ми се чинеше најинтересна, пред сѐ затоа што е мешавина на вкусови. (more…)

Read Full Post »


Потготовка на Ким-чиОваа година имав идеја да скиселам зелка. Татко ми е експерт за кисела зелка и побарав од него да ме научи на основните финти. Кога виде дека немам многу време да зе занимавам со таа проблематика, ми предложи тој да ми стави зелка за ферментација, но кога дојдовме до таа одлука, на пазар немаше убави зелки. И така мојата идеја си остана нереализирана. Веројатно зашто не сум знаел дека постои и пократка процедура.

Пребарувајќи по блоговите за готвење, минатиот месец наидов на една убава акција на група американски блогери кои организирале недела на ферментација. Одеднаш доживеав откровение! Ми се отвори нов свет. (more…)

Read Full Post »


Руска салата со тофу мајонезКонечно, еве го првиот пост за 2013-та година. Првиот рецепт во Новата Година, нормално, треба да биде легендарната Руска салата. Празничната софра не само кај нас е најстрашната закана за нашиот изглед и за зравјето. Сарми, зелници, свинско месо и слатки со маргарини и јајца на сите страни. Сето тоа е „зачинето“ со холестеролската новогодишна традиција наречена Руска салата. Не е чудно што едно испитување вели дека околу новогодишните празници во просек додаваме по 2-3 килограми. И тоа не е страшна бројка. Пострашно е што во текот на годината место да ги отстраниме, ние трупаме уште некој килограм и сѐ така до следната Нова Година. Заклучок: секоја година сме сѐ подебели, а дел од нашите непријатели е и гореспоменатата, Руска. (more…)

Read Full Post »

Older Posts »

%d bloggers like this: