Archive for the ‘ДА КАЖАМ НЕШТО’ Category


Веќе неколку месеци задолжителна литература ми се книгите на еден од пионерите во современата растителна исхрана, Џон МекДугал. Општи лекар по професија, на 18 години доживува срцев удар под влијание на стандардната американска исхрана. Кога се вработува во медицински установи сфаќа дека многу болести со лекарства не може да ги излечи и во 70-те години почнува да експериментира со растителната исхрана. Во 1983 година ја пишува првата книга „Планот на МекДугал“ и прави револуција со тоа што укажува дека човекот, ако се преориентира на растителна скробна исхрана дополнета со овошје и зеленчук, ќе надмине многу од современите болести.

1972264_365343726938949_1493291509_n

Со неговото дело почнав да се запознавам од крајот, поточно од за сега последната книга, „Скробно решение“. Напишана со наједонставен јазик, но сепак научно издржана, објаснува зошто растителната скробна исхрана е она што му е потребно на денешниот човек. (more…)

Advertisements

Read Full Post »


Веќе неколку години сум поборник за строго посна исхрана (популарно наречена веганска), а тоа го применувам и како сопствен животен стил. Веганскиот начин на готвење во овој период ми влезе во крвта, затоа што бара доста креативност и истражување на што посветувам голем дел од слободното време.

Макарони од хелјда со песто од блитва

Макарони од хелјда со песто од блитва

Е сега, кога постепено ќе навлезете во филозофијата на веганството, сакате придобивките да ги споделите со цел свет, пред се преку исхраната, од каде што се започнува. До сега, освен за моите дома врз кои ги имам испробано сите рецепти што ми фатиле око, во неколку наврати сум готвел и за поголема група луѓе, ама никогаш немав храброст да направам веганска програма и за некого да готвам целосно мени. (more…)

Read Full Post »


Паралелно со мојот роденден е и роденденот на мојот блог. Точно на 20 септември пред една година го објавив првиот пост кој ми беше како вовед зошто почнувам со пишување на блогот. Прв рецепт што го објавив беше за маринирани печурки.

Роденденски лава колачи

Поточно целата идеја ја добив многу порано. Воведниот текст не потекнува од септември, туку е напишан некаде во мај минатата година, кога и почнав да чепкам по блогерските сајтови и ја направив првата варијанта преку Блогер. Фатив да го пишувам, затоа што не знаев како на светот околу мене да му кажам колкави промени се случуваат кај човекот и ментално и физички, само со промената на исхраната. Текстот го напишав и си остана зафрлен по фолдерите во комјутер. (more…)

Read Full Post »


На плажаМојот одмор за оваа година дојде и… додека да трепнам, заврши. Туку да не се жалам, две недели покрај море не се малку. Веднаш не зедов да пишував затоа што сакав да ми се сталожат спомените, а и да видам како ќе гледам на тие денови откако пак ќе се уморам. Со две деца и со сите обврски уште со самото пристигнување во Скопје, јасно ми беше дека одморот ќе ми стане далечно минато сместено во рубриката: „Си беше еднаш…“ (more…)

Read Full Post »


ПлажаУтре заминувам на одмор. Ова ќе ми биде втора година на одмор со променета исхрана, што е огромен проблем. Лесно е дома да се практикуваат начелата за здрава исхрана, каде при рака ми е скоро се што ми треба, а сосема поинаква е ситуацијата на туѓа територија, посебно ако таму останувам на подолг период. Минатата година кога за прват се обидов новите навики да ги пренесам на одмор, задачата ја исполнив делумно успешно. Неколку пати изедов повеќе отколку што вистински ми се јадеше од страв да не не се најадам, а најголемо искушение ми беа миризливите ресторани и пред се пекарниците со вкусни кифли. (more…)

Read Full Post »


Среќна нова годинаКој би рекол дека помина уште цела една година. Прелета додека да трепнеш. Всушност, кога вака ќе се навратам назад со мислите, па и не траеше толку кратко и не помина толку едноставно. Знам дека имаше дури моменти и кога сакав побргу да ги протуркам, да ги преспијам или слично, само некако да се забрзаат.

Клише од прашање на почетокот на секоја година е по што ќе ја памтите претходната? Вака: отсекогаш сакав да најдам здрав и добар начин на живот, нешто што комплетно ќе ми ја смени насоката на движење. За поздравиот начин на исхрана детално почнав да се интересирам од 2011-та, но 2012 година некако ми беше пресудна. Се соочив со сите предизвици, искушенија и промени што ги носи ваквата исхрана. (more…)

Read Full Post »


Мило ми е што нагло почна да се зголемува бројот на лајкови на блогов, ама забележав дека во некои работи со тексотвите не сум бил нешто многу јасен. Оваа констатација пред се се однесува на мерките, така што решив да дадам мало појаснување.

За разлика од обичните начини на мерење, јас се одлучив да ги користам оние што се стандардизирани на Запад со чаши, чиничиња и лажички. Готвењето го учев (и се уште го учам) пред се од странски професионалци и полесно ми е и мојата работа да ја конвертирам во мерки наложени од нив. (more…)

Read Full Post »

Older Posts »

%d bloggers like this: